• منوعات

    منوعات ما سبب رفض ابنة عماد رشاد المشاركة في فيلم "صعيدي في الجامعة الأمريكية"؟ هل كان والدها السبب؟!


    972 قراءه

    2023-01-31 08:43:38

    استضاف الاعلامي المصري عمر الليثي الفنان القدير عماد رشاد في برنامجه واحد من الناس، وكشف الفنان خلال اللقاء عن علاقته الرومانسية بزوجته وعن سبب ابتعاد ابنته عن الفن.

    فعن علاقته  الفنان بزوجته، قال: "أنا زوج رومانسي وعاطفي جدًا، وبجهز العشا لمراتي على ضوء الشموع، ومستحيل هعمل كده وهي هتبقى وحشة معايا، وأهم حاجة ريّح مراتك وقول لها حاضر، واعمل اللي أنت عاوزه".

    أما عن سبب رفض ابنته ياسمين، المشاركة، فقال: "مكنش ليا دور فى ابتعاد بنتي ياسمين عن الفن، وهي كانت المفروض هتعمل فيلم صعيدى في الجامعة الأمريكية في دور غادة عادل، وخلاص اتفقت مع عائلة العدل على الدور وقبل التصوير بيومين رفضت وقالت مش همثل، وهى بتشتغل دلوقتي فى مجال الديكور".  

    وعن علاقته باحفاده، قال عماد رشاد: "عندى 3 أحفاد  وأنا أقرب واحد ليهم فى العيلة، ومرتبط بيهم جدًا، وبحاول أقلل من ارتباطى بيهم علشان لما ييجي موعد رحيلى ما يبقاش صعب عليهم، وكتير من الناس نصحونى بكده لأن أسرارهم معايا، وأنا اللي بجيب ليهم ملابسهم  وكل حاجة، وأنا خايف عليهم من صدمتهم بعد رحيلى".

    كما قدم خلال اللقاء نصيحة مفاجئة للشباب: "نصيحتي للشباب لما تعمل غلطة أوعى تعترف، لأن الست الشرقية هتفضل فاكراها ليك، وأنا مش هعترف ولا عمري هعترف، وبقالى 40 أو 45 سنة متزوج، لأني اتجوزت وأنا صغير ومراتي سابت التمثيل بعد سنتين من الجواز بعد ما خلفنا ياسمين، كان قرار خاطئ وكنت أتمنى إنها كانت ترجع تشتغل علشان كانت مركزة معايا أنا بس".



    مصادر 24 قارئ إخباري مستقل حيث والمواد الواردة فيه لا تعبر عن رأي الموقع ولا يتحمل اي مسؤولية قانونية عنها  
    جميع الحقوق محفوظة لدى مصادر 24